Índia, 05 Outubru 2021 – Tribunál Superiór Índia, iha segunda (04/10) ne’e, aprova ona Governu Índia nia desizaun atu selu ka fó kompensasaun $674 ($674;£498) ba kada ema ne’ebé mate ho ka tanba Covid-19 iha Índia.
CNN haktuir, rekezitu ba vítima ne’ebé iha direitu atu simu kompensasaun refere mak ema sira ne’ebé mate hafoin diagnostikadu ho Covid-19 durante loron 30 nia laran, inklui mós sira ne’ebé hetan tratamentu iha izolamentu durante tempu naruk liu loron 30 no mate.
“Kompensasaun ne’e sei fó ba família ne’ebé besik liu ba matebian ka vítima ne’ebé mate ho Covid-19 ka tanba Covid-19,” haktuir CNN.
Ho kompensasaun ne’ebé Governu Índia aplika, orsamentu nesesáriu hodi halo pagamentu ne’e liu millaun $300. Rekezitu ba montante orsamentu refere kalkula ho baze númeru mate ka óbitu Covid-19 iha Índia, ne’ebé oras ne’e daudauk atinje 448.997.
Fonte: CNN International