Baukau, 11 Setembru 2021 – Governu liuhosi Ministru Agrikultura no Peska (MAP) Pedro dos Reis ho nia ekipa, autoridade lokál no agrikultór sira, iha sexta (10/9) ne’e, kolleta hare éktare 520 ba époka daruak iha postu-administrativu Baukau Vila, munisípiu Baukau.
“Ohin ita kolleta hare iha irigasaun Sobabere totál área kultivu 150 maibé ba segunda époka ita halo de’it éktare 520. Maibé ho esforsu Ministériu, Diretór Munisípiu no Autoridade Lokál sira ho Estensionista halo aprosimasaun tanba natar ne’ebé ita kolleta iha fatin refere abandona ona kuaze tinan 15 ne’ebé ohin ita kolleta éktare 520 simbolikamente iha área ida ne’e,” deha MAP iha nia intervensaun.
MAP akresenta katak sei kontinua iha problema uitoan kona-ba parte esensiál sira ba kultivasaun natar nian, maibé nia dehan katak importante liu mak agrikultór sira-nia vontade tanba ekipa hosi parte MAP sei kontinua esforsa hodi mellora.
Fonte: Mídia Ministério da Agricultura e Pescas (MAP)