Dili, 28 Novembru 2020 – Sekretária Estadu ba Igualdade no Inkluzaun (SEII) Maria José de Jesus, hamutuk ho Prezidente Autoridade munisípiu Dili, Gaspar Soares no Autoridade postu-administrativu Ataúru, halo lansamentu ba Website www.ataurotourism.org hodi promove fatin turístiku Ataúru.
Lansamentu ne’e hala’o iha ámbitu komemorasaun Loron Proklamasaun Independénsia Timor-Leste ba dala-45 iha sábadu (28/11) ne’e iha salaun juventude Ataúru, no organiza hosi ATKOMA ne’ebé servisu hamutuk ho USAID’s Tourism for All Project.
SEII iha nia intervensaun hateten, ho lansamentu refere, hakarak atu website ne’e kontinua atualiza no asegura informasaun ho di’ak hodi maluk ne’ebé iha hanoin atu vizita Ataúru bele hatene fatin destinasaun ho loloos, no komunidade sira bele hetan benefísiu hosi atividade turístika iha Ataúru.
Prezidente Autoridade Dili mós hateten, Ataúru iha poténsia turizmu ne’ebé boot tebes maibé, sidadaun hotu-hotu tenke esforsa atu oinsá bele transforma poténsia ne’e hodi lori rendimentu ba komunidade Ataúru.
Fonte: ídia Secretário de Estado da Igualidade e a Inclusão (SEII)