Dili, 28 Jullu 2021 – Governu aprova projetu Rezolusaun ida hodi nomeia Guilhermina Filomena Saldanha atu asume kargu Prezidente Autoridade Munisipál Dili ba mandatu períodu tinan lima, hahú hosi data simu pose nian, haktuir komunikadu imprensa ofisiál hosi Governu ohin (28/7).
“Aprova mós projetu Rezolusaun Governu nian ne’ebé aprezenta hosi Ministru Administrasaun Estatál Miguel Pereira de Carvalho, hodi nomeia Guilhermina Filomena Saldanha ba Kargu Prezidente Autoridade Munisipál Dili, ba períodu tinan lima, hahú hosi data simu pose nian,” deskreve iha komunikadu imprensa ne'e.
Projetu Rezolusaun refere aprezenta hosi Ministru Administrasaun Estatál Miguel Pereira de Carvalho iha reuniaun Konsellu Ministru nian ne’ebé hala’o ohin (28/7) iha Palásiu Governu, Dili.
Molok ne’e Guilhermina hetan valór di’ak liu duké kandidatu sira seluk iha teste eskrita atu hodi sai Prezidente Autoridade Munisipál Dili.
Fonte: Mídia Ministério dos Assuntos Parlamentares e Comunicação Social (MAPCOMS)