Jornalista: Adriana Magno GRUPU HABURAS FOHO AILIKU NIA BATAR ÉKTARE IDA SEIDAUK KOLLETA UDAN ESTRAGA TIHA

Ainaru, 16 Marsu 2022 – Xefe Grupu Haburas Suku Foho Ailiku, Juvinal da Costa, informa ba Timor News katak udan boot ne’ebé akontese durante loron tolu iha semana kotuk entre loron 11 to’o 13 Marsu ne’e estraga tiha sira-nia batar éktare ida ho balu ne’ebé seidauk kolleta tanba sei nurak hela.

“Udan boot loron tolu iha dia 11 to’o 13 liubá ami nia grupu Haburas Suku Foho Ailiku ne'e ami nia batar hamutuk éktare 12  maibé éktare ida ho balu mak hetan estragus, no ami nia fatin refere agora daudauk hetan ameasa boot hosi mota. […] La konsege kolleta tanba agora daudauk batar sei nurak hela. Nu'udar ema to’os-na’in sente triste tebes ho akontesimentu sira ne’e,” xefe grupu produtivu ne’e informa ba jornalista Timor News ohin (16/3) via telefone.

La’os batar de’it, maibé nia akresenta katak udan boot ne’e estraga mós ai-hán ne’ebé sira kuda hodi fó-hán karau ne’ebé sira-nia grupu hakiak.

Tanba ne’e nia reprezenta grupu refere no komunidade tomak, husu ba ministériu relevante atu bele tau atensaun no bele kria barajen hodi asegura sira-nia fatin.

"Nu’udar povu agrikultór halerik ne’ebé ami iha hakarak hato’o duni ba na’i-ulun sira katak, sira mak ami nia aman para ida ne’e katak setór agríkola ne'e iha parte ruma importante tebes nune’e ministériu relevante bele tau atensaun netik ba ami oinsá atu kria barajen hodi asegura ami nia fatin," Juvinal husu.

Grupu Haburas Suku Foho Ailiku nu'udar grupu ida iha Suku Foho Ailiku, postu-administrativu Hatu-hudo, munisípiu Ainaru.

Fonte: Timor News
Desportu
Manny Pacquiao Kompromete Sei Apoia Boxing Timor-Leste
Manny Pacquiao kompromete sei apoia boxista Timoroan sira hodi bele kompete iha eventu internasionál.
Edukasaun
ME Halo Abertura ba Levantamentu Dadus Profesór Sira Nian iha Territóriu Nasionál
ME halo abertura levantamentu dadus profesór sira-nian iha munisípiu hotu inklui RAEOA.
Dezenvolvimentu
SEATOU Halo Inspesaun ba Vendedór Tasi-tolu
SEATOU halo inspesaun ba vendedór Tasi-tolu hodi hamamuk fatin ne'ebá tanba konsidera vendedór sira okupa espasu públiku.
Negósiu
Inácia: Lixu La'os Problema De'it, Maibé Bele Sai Mós Solusaun Bainhira Ita Bele Transforma Ba Ekonomia Ne’ebé Di’ak
Vise-Ministra Turizmu Komunitária Kulturál, Inácia da Conceição Teixeira hateten katak lixu la'os problema de'it, maibé bele sai mós solusaun bainhira ita bele transforma ba ekonomia ne’ebé di’ak
Seguransa
Governu Sei Rekruta Membru PNTL Foun Na'in-450 iha Tinan 2024
Governu liuhosi ministériu interiór sei rekruta membru PNTL foun hamutuk na'in-450 iha tinan 2024 hodi reforsa liután seguransa iha rai laran.
Edukasaun
UNTL ho INFORDEPE Realiza Formasaun Baxarelatu ba Profesór Na'in-1.275 iha Territóriu Nasionál
UNTL Koopera ho INFORDEPE hodi realiza formasaun baxarelatu ba profesór hamutuk na'in-1.275 iha territóriu nasionál.
Justisa
ANTI Timor-Leste Kontra Makaas Prabowo nia Kandidatura ba Eleisaun Prezidensiál 2024
ANTI husu ba eleitór Indonézia atu lalika fó votus ba Prabowo Subianto no ba komunidade internasionál atu kaer nia hodi responsabiliza violasaun direitu umanu ne’ebé nia komete iha pasadu.
Justisa
Xanana: Kuandu Imi Hasai Populasaun Sira Nia Sasan Arbiru, Ha’u Prontu Toba iha Ne’e
PM Xanana hateten ba juíz sira TDD katak kuandu sira-nia desizaun kontra ona direitu umanu hodi hasai no soe arbiru populasaun sira-nia sasan, nia prontu toba iha fatin refere.
Polítika
MSSI Tau Prioridade ba Asuntu EhD no Idozu iha Orsamentu 2024
MSSI tau prioridade ba asuntu ema ho defisiénsia, idozu, no direitu ba labarik iha orsamentu jerál tinan 2024 ninian.
Sosiál
Komunidade Balu ba Hariis Fali iha Bee Matan Tohumeta, BTL Sei Haruka Karta ba PNTL
BTL, EP sei haruka karta ba PNTL hodi asegura bee matan Tohumeta hodi evita komunidade sira labele ba hariis tan iha ne'ebá iha futuru.
Edukasaun
Xanana Husu ba Bispu Na'in Tolu Hodi Halo Mudansa ba Sistema Edukasaun Iha UCT
PM Xanana husu ba Bispu na'in tolu hodi halo mudansa ba sistema edukasaun iha UCT atu bele diferente ho universidade no institutu superiór sira seluk.
Edukasaun
Ministériu Edukasaun Sei Harii Eskola Primária Ida iha Aldeia Ilatbote
Ministériu Edukasaun sei harii eskola Primária ida iha aldeia Ilatbote, Kailaku hodi fasilita estudante sira iha aldeia refere bele asesu ba iha eskola ne'ebé mak besik.
Seguransa
Ekipa Konjunta PNTL Kaptura Suspetu Na'in Rua Ne'ebé Na'ok Laptop Iha Dili
Ekipa konjunta hosi PNTL kaptura suspeitu hamutuk na'in rua ne'ebé mak komete iha kazu na'ok laptop iha Dili.
Sosiál
Ahi Han Motuk Komunidade Ida nia Uma iha Suku Grotu
Ahi han motuk uma komunidade ida iha suku Grotu postu adminístrativu Same munisípiu Manufahi.
Edukasaun
ME Halo Abertura ba Levantamentu Dadus Profesór Sira Nian iha Territóriu Nasionál
ME halo abertura levantamentu dadus profesór sira-nian iha munisípiu hotu inklui RAEOA.
Seguransa
MI Planeia Reabilita Eskuadra no Harii Kuartél PNTL iha Munisípiu Aileu
MI planeia reabilita eskuadra no harii kuartél PNTL iha munisípiu Aileu hodi PNTL sira iha munisípiu refere bele hala'o sira-nia servisu ho di'ak liután.