Ainaru, 01 Outubru 2021 – Ministériu Turizmu, Komérsiu no Indústria (sigla portugés, MTCI), liuhosi Diresaun Nasionál Komérsiu Internu (sigla portugés, DNCI) realiza programa Bazar-Baratu iha postu-administrativu Hatubuiliku, munisípiu Ainaru, ho objetivu hodi komemora loron Peregrinasaun Na’in-Feto Ramelau ne’ebé sei selebra iha 08 Outubru 2021.
“Atividade ida ne’e sei hala’o durante loron 6, hahú hosi 01 to’o 06 (Outubru 2021),” MTCI informa.
Objetivu seluk hosi pograma ida ne’e mak atu fasilita komunidade sira iha área refere hodi bele asesu ba sasán nesesidade bázika ho folin ida ne’ebé baratu.
Programa refere hetan abertura hosi Diretór Jerál Komérsiu, Cosme da Silva, no hetan mós partisipasaun hosi ekipa balu hosi MTCI, autoridade lokál, kompañia balu, no grupu produtór sira iha Hatubuiliku rasik.
Fonte: Mídia Ministério do Turismo, Comércio e Indústria (MTCI)