Dili, 12 Juñu 2021- Ayoe Sutomo nu’udar Psikólogu ida hateten katak la’os violénsia ho fíziku de’it mak akontese ba feto sira ohin loron, maibé feto sira barak mak hasoru mós violénsia seluk hanesan seksuál no verbál liuhosi liafuan hodi fó impaktu psikolójiku ba sira nu’udar vítima.
Haktuir hosi fimela.com, Sutomo hateten katak, tanba ne’e mak importante tebes atu inan-aman hanorin kedas oan-feto sira kona-ba konseitu respeita-an rasik, nune’e oan-feto sira bele hatene oinsá hili ema ne’ebé loos molok forma família hodi evita violénsia no oinsá kuida-an rasik sein depende ba ema seluk.
“Dala-barak autór enfrakese tiha vítima sira, no halo vítima laiha forsa hodi hanoin katak ‘sé ha’u kontra ha’u orsida sei hamutuk fali ho sé’, vítima mós dala-barak hanoin katak nia dignidade laiha ona. Ida ne’e mak halo sira susar atu sai hosi ambiente violentu. Tanba ne’e mak importante tebes atu inan-aman sira hanorin oan atu respeita nia-an rasik wainhira nia sei ki’ik,” dehan Ayoe.
Fonte: Fimela Web