Indonézia, 25 Abril 2021 – Indonézia nia submarinu ida ho marka KRI Nanggala-402, ema ka Forsa Navál Indonézia ho totál na’in-53 mak iha laran, konfirmadu mout no rahun iha tasi okos parte Bali, Indonézia, tuir Jenerál Tentara Nasional Indonesia (TNI) Marsekal Hadi Tjahjanto deklara iha domingu (25/4) ne’e.
Hadi Tjahjanto dehan, sira buka tuir no hetan ona KRI Nanggala-402 ho kondisaun nakfera ba parte tolu, no hetan mós ekipamentu seguransa nian.
“Bazeia ba evidénsia auténtiku sira ne’e, bele deklara katak KRI Nanggala-402 mout tiha ona no na’in-53 mate hotu,” Jenerál Hadi afirma liuhosi konferénsia imprensa.
Hosi parte forsa navál nian temi katak submarinu ne’e mout kazu hosi fatór natureza.
Molok konfirmadu mout, parte autoridade militár deklara katak submarinu KRI Nanggala-402 lakon kontaktu iha kuarta (21/4) liubá hafoin ba hala’o knaar marítima nian.
Fonte: BBC News