Dili, 27 Abril 2022 – Sekretaria Estadu ba Formasaun Profisionál no Empregu (SEFOPE) liuhosi Diresaun Nasionál Empregu Exteriór (DNEE), ohin (27/4) haruka tán traballadór timoroan na’in neen-nulu-resin-ida (61) ba servisu iha Austrália.
Iha entrevista Diretór DNEE, Filomeno Soares, hateten, “ohin Governu Timor-Leste liuhosi SEFOPE marka tán istória ida hodi haruka joven timoroan na’in ne’en-nulu-resin-ida (61) ba servisu iha Austrália hodi bele hadi’a sira-nia moris.
Diretór ne’e mós agadese ba Governu Australia ne’ebé nafatin iha komitmentu hodi simu timoroan sira ba servisu, hodi bele redúz númeru dezempregu iha nasaun Timor-Leste, no bele hasa’e kresimentu ekonómika nasaun.
Timoroan na’in ne’en-nulu-resin-ida (61) ne’e, ema na’in rua-nulu-resin-lima (25) sei ba servisu iha kompañia Down to Earth, na’in sanulu-resin-haat (14) sei ba servisu iha kompañia Connect Group & Monte & Son, ema na’in sanulu-resin-rua (12) sei ba servisu iha kompañia Cable Beach, no ba servisu iha kompaña T& CDO & SON ema na’in sanulu (10).
Fonte: Secretário Estado para Formação Profisional e Emprego (SEFOPE)