Dili, 28 Juñu 2021 – Porta-vóz Komandu Jerál Polísia Nasionál Timor-Leste (PNTL) Superintendente Xefe Arnaldo de Araújo informa ohin (28/6) iha Kaikoli, Dili, katak kazu abuzu sexuál hosi aman inisiál MS ho idade tinan 37 ba oan-feto minoridade inisiál AJSM ho idade tinan 13 hodi rezulta inan inisiál QM ho idade tinan 33 ko’a sai tiha aman nia órgaun vitál, ne’ebé akontese iha loron 23 Juñu liubá iha suku Uma-Tolu, Lakluta, Vikeke, oras ne’e lori ona ba Ministériu Públiku (MP) hodi hein prosesu tuir mai.
Arnaldo haktuir kronolojia katak, hafoin vítima nia inan QM haree tiha nia la’en halo abuzu sexuál ba nia oan-feto AJSM, tanba ne’e inan QM planeia atu halo relasaun sexuál ho nia la’en MS nune’e inan QM prepara tudik ida hodi halo tentative omesídiu ba nia la’en hodi ko’a sai tiha la’en MS nia órgaun vitál.
Suspeitu MS oras ne’e daudauk hetan hela tratamentu iha HNGV, nune’e wainhira nia kondisaun di’ak ona mak sei submete ba prosesu investigasaun, no arguida QM ba tentative omesídiu oras ne’e kumpri hela prijaun preventive iha Bekora, Dili. Enkuantu vítima AJSM iha hela uma-mahon Vikeke.
Fonte: Mídia Polícia Nacional de Timor-Leste (PNTL)