Dili, 26 Novembru 2021 – Komandante Jerál Polísia Nasionál Timor-Leste (PNTL), Komisáriu Faustino da Costa, apela ba joven sira atu estuda hodi sai ema matenek, la’os buka baku malu hodi kria instabilidade.
Nia hato’o apelu ne’e ohin (25/11) hafoin hasoru malu ho Prezidente Repúblika Francisco Guterres Lú Olo, iha Palásiu Prezidensiál, Dili, hodi relata katak situasaun atuál iha Timor-Leste la’o di’ak maske iha konflitu balu entre joven sira iha Baukau no Dili.
“Husu ba inan-aman sira haree oan sira, kuidadu oan sira. […] Alin joven sira, tempu ba ita-boot sira atu estuda. Estuda para buka matenek, la’os estuda para buka baku malu,” Faustino apela.
Komandante Jerál PNTL ne’e hateten katak PNTL sei kontinua halo atuasaun ba joven sira-nia asaun ne’ebé hirak ne’ebé la kontribui ba páz no estabilidade atu nune'e labele akontese beibeik.
Fonte: Mídia Presidente da Repúblika (PR)