Dili, 14 Jullu 2021 – Xefe Estadu Maiór Jenerál FALINTIL-Forsa Defeza Timor-leste (F-FDTL) Tenente Jenerál Lere Anan Timur apela ba komunidade sira iha teritoriu Timor-Leste liuliu ba sira ne’ebé iha área rurál atu hakbesik-an ba sentru vasinasaun hodi simu vasina kontra Covid-19 no labele rona rumoris oioin.
“apela ba komunidade iha Timor laran tomak liuliu sira ne’ebé iha área rurál ne’ebá, atu hakbesik-an ba simu vasina no lalika tauk i lalika rona buat oioin, atu nune’e hodi bele evita ita hosi moras corona virus ida ne’e,” Lere apela ohin (14/7) hafoin simu vasina Sinovac doze daruak iha Kuartél Jenerál F-FDTL, Fatuhada, Dili.
La’os Lere de’it maibé nia Espoza Cidalia Mesquita Ximene ho Brigadeiru Jenerál SABIKA mós ohin kompleta ona vasinasaun doze daruak ho vasina Sinovac.
Fonte: Relação Pública F-FDTL