Manatutu, 10 Juñu 2021 – Governu liuhosi Ministru Agrikultura no Peska (MAP) Pedro dos Reis hamutuk ho Eiz Prezidente Repúblika José Ramos Horta, ohin (10/6), halo lansamentu ba kolleta hare nakroma éktare 80 époka dahuluk nian iha área irigasaun Bulutu, suku Fatuk-Laran, postu-administrativu Laleia, munisípiu Manatutu.
“Totál natar hamutuk éktare 496 ne’ebé mak ita uza adubu poc nasa harmonis ho super nasa, ita iha de’it demo área éktare 80 ho polítika VIII Governu nian ida ne’e mak servisu Ministériu Agrikultura no Peska nian,” dehan MAP.
Enkuantu Eiz Prezidente Repúblika Ramos Horta, iha okaziaun ne’e hateten, sobrevivénsia no agrikultura la’os kona-ba foos de’it maibé iha mós ai-hán seluk no hakiak animál sira, tanba ne’e nia espera katak produtividade hosi parte ministériu nian sa’e maka’as.
Fonte: Mídia Ministério da Agricultura e Pescas (MAP)