Dili, 28 Maiu 2021 – Relasiona ho informasaun ne’ebé espalla iha mídia sosiál katak Virgilio da Costa Silva ho idade 26 mate hafoin simu vasina AstraZeneca, tanba ne’e Ministériu Saúde (MS) halo ona verifikasaun no klarifika katak matebian Virgilio seidauk simu vasina AstraZeneca.
“Ekipa Sentru Saúde Komoro kontaktu direita ba família matebian refere, matebian nia inan informa katak matebian seidauk hetan vasina AstraZeneca-Austrália,” MS klarifika iha nia divulgasaun ohin (28/5).
Atu asegura rumoris refere, MS esplika katak parte MS nian mós buka-tuir dadus relasiona ho matebian Virgilio iha sistema rejistu online no manuál vasinasaun nian maibé naran la rejistu iha sistema laran.
“Signifika katak realidade matebian seidauk no la hetan duni vasina refere,” MS akresenta.
Fonte: Mídia Palácio das Cinzas