Baukau, 12 Janeiru 2022- Ministeriu Edukasaun, Juventude no Desportu (MEJD), distribui materiál emerjénsia ba Eskola Báziku Filiál (EBF) Bukoli, postu administrativu Baucau vila munisípiu Baucau, ne'ebé hetan estragu hosi dezastre naturais, iha loron 21/12/2021.
Materiál apoiu emerjénsia hirak ne'e mak hanesan, kalén Zinco, 0,30 tahan 300, ai-kuadradu 6x7 lolon 50, ai-kuadradu 5x10 tahal 50, kalén lexio metru 30, pregu 10 cm/ kg 15, pregu 12cm/ kg 15, Prego 15cm/ kg 20 no pregu kalén kg 20.
Enkuantu iha intervensaun diretór Diresaun Nasionál Asaun Sosiál Eskolár (DNASE), Joaquim Martins hatete katak, apoiu emerjénsia ida ne’e, apoiu ba situasaun ne'ebé emerjénsia hanesan ida agora daudauk ne’e, no laiha maun de obra ba servisu ida hanesan ne’e. Joaquim mós husu ba inan aman, autoridade lokál, dirijenti EBF ne’e rasik hala’o koordenasaun didi'ak ho komunidade sira, atu nune'e materiál sira ne'ebé lori mai bele konstrui fila fali atu nune’e bele normaliza atividade prosesu aprendizajen.
Fonte: Ministério da Educação, Juventude e do Desporto (MEJD)