Aileu, 15 Fevereiru 2022 – Ministru Edukasaun, Juventude no Desportu (MEJD), Armindo Maia, hamutuk ho parseria sira hosi Educating The Future (ETF) no Hands, iha tersa (15/2) ne’e, halo inaugurasaun ba edifísiu pré-eskolár no playground (fatin ba labarik sira hodi halimar), iha suku Fahisoi, postu-administrativu Lekidoe, munisípiu Aileu.
“Wainhira ita tau fatuk dahuluk iha edifísiu eskola ruma, ne’e hatudu katak dezenvolvimentu ne’e la’o ona ba oin. Tanba edukasaun mak sai hanesan xave ba dezenvolvimentu,” MEJD hateten iha nia diskursu iha serimónia inaugurasaun ne’e.
MEJD mós agradese ba Governu Austrália no Nova-Zelándia liuhosi sira-nia embaixada iha Timor-Leste,no parseria sira hanesan ETF no Hands ne’ebé fó apoiu ba dezenvolvimentu iha Timor-Leste inklui iha setór edukasaun.
Pré-Eskolár Fahisoi iha estudante hamutuk na’in-72, no manorin na’in-1. Enkuantu orsamentu ne’ebé gasta ba konstrusaun edifísiu ho sala tolu no haris fatin ne’e besik dólar amerikanu rihun 40.
Fonte: Ministério da Educação, Juventude e do Desporto (MEJD)