Manatutu, 12 Janeiru 2022- Reprezentante Ministériu Edukasaun no Desportu (MEJD), Raimundo José Neto, iha kuarta (12/01) ne’e, inaugura Eskola Sekundária Téknika Vokasionál (ESTV) Prezidente Nicolau Lobato Soibada, munisípiu Manatutu.
Iha serimónia inaugurasaun ne’e, reprezentante MEJD, Raimundo Neto, kongratula no apresia entidade hotu nia esforsu bele finaliza ona eskola refere to'o hetan inaugurasaun.
Iha fatin hanesan, diretór ESTV Prezidente Nicolau Lobato, Joanico Ulha da Costa, hato’o ninia agradesimentu tanba eskola refere hetan ona ninia legalidade no inaugura hosi MEJD, maibé nia mós nafatin hato’o difikuldade ne’ebé eskola refere enfrenta mak hanesan, kadeira no meza hodi bele prienxe iha sala laran.
Enkuantu totál manorin iha eskola refere, kontratadu na’in-7 no voluntáriu na’in-2. Eskola refere mós iha aula 7 no hariis-fatin 2 ba feto no mane.
Fonte: Ministério da Educação, Juventude e do Desporto (MEJD)