Dili, 23 Setembru 2021 – Governu liuhosi Ministériu Finansa (MF) emite Formuláriu Kompromisu Pagamentu (sigla inglés, CPV) foun ho montante millaun $1.2 atu hodi finansia distribuisaun Sesta Bázika ba reklamante sira iha teritóriu nasionál, la inklui RAEOA, hamutuk ema na’in-25.569 hosi uma-kain hamutuk 5.651.
Nune’e, Gabinete MF informa ohin (23/9) katak, parte Ministériu Turizmu, Komérsiu no Indústria (MTCI) selebra tiha ona kontratu ho kompañia lokál haat (4), no tuir planu sei hahú distribuisaun ai-hán Sesta Bázika ba reklamante sira iha loron hirak tuir mai ba munisípiu Ermera, Manufahi, Aileu, Ainaru, Baukau, Likisá, Lautén, Manatutu, Vikeke no Díli.
Bazeia ba relatóriu hosi Ministériu Koordenadór ba Asuntu Ekonómiku (MAKE), to’o iha fulan Agostu 2021, benefisíariu sira ne’ebé mak simu ona Sesta Bázika hamutuk ema millaun ida rihun-atus-haat resin hosi totál benefisiáriu hamutuk ema millaun ida rihun-atus-lima.
Fonte: Ministério das Finanças (MF)