Dili, 14 Maiu 2022 - Ministru Turizmu Komérsiu no Indústria (MTKI), José Lucas do Carmo da Silva, husu ba Timoroan hotu atu valoriza Timor-Leste nia produtu sira, liuliu hanesan tais, ne’ebé hetan ona aprovasaun hosi UNESCO. Lia menon ne’e hato’o iha okaziaun eventu lansamentu ba kompetisaun Soru-Tais ba feto foinsa’e sira iha nivel Nasionál ne’ebé realiza hosi MTKI iha Dili.
Objetivu hosi eventu ne’e mak oinsa atu bele hamosu transferénsia koñesimentu soru tais nian hosi jerasaun tuan mai iha jerasaun foun hodi bele konserva di’ak liu tán ninia orijinalidade tanba prosesu produsaun tais ida orijinal ne’e mak Timor-Leste ninia identidade.
Atividade ida ne’e importante tebes tanba ho modernizasaun, ema nia orientasaun ba ona sasan modernu nian ne’ebé sai mós nu’udar dezafiu hodi valoriza no mantein ita-nia patrimóniu kulturál istóriku.
Iha eventu lasamentu ne'e partistipa mos hosi Embaxadora Portugal, Manuela Barros, no reprezentante hosi USAID.
Fonte: Mídia Ministério do Turismo, Comércio e Indústria (MTCI)