Izrael, 13 Juñu 2021 – Parlamentu Izrael iha domingu (13/6) ne’e aprova Governu foun Izrael nian ne’ebé lidera hosi Naftali Bennett nu’udar Primeiru-Ministru, hodi hakotu Governasaun Primeiru-Ministru Benjamin Natanyahu ne’ebé lidera durante tinan 12 ikus ne’e.
Iha votasaun ne’ebé Parlamentu Izrael hala’o iha domingu loro-kraik ne’e, Bennet konsege sai nu’udar vensedór ho apoiu votu 60 kontra 59 hosi totál membru Parlamentu 120, nune’e aprova ona formasaun Governu foun ida ne’ebé lidera fali hosi Bennet.
"Governu foun ida ne’e hamiik hosi koligasaun partidu ualu, nune’e iha akordu katak Naftali Bennett sei kaer pasta Primeiru-Ministru hodi troka Benjamin Netanyahu durante tinan rua ba oin," BBC haktuir.
Povu Palestina konsidera Bennett nia lideransa nu’udar presaun ida ba sira no sei hadook liután esperansa rekonsiliasaun ho Izrael.
Fonte: BBC News