Oekusi, 20 Janeiru 2022 - Prezidente Autoridade Rejiaun Administrativa Espesiál Oekusi Ambenu (RAEOA), Arsénio Paixão Bano, ho ekipa, iha kinta (20/01) ne’e, realiza lansamentu hatur fatuk dahuluk ba projetu klínika izolamentu Tuberkuloze, inklui rezidensia pesoál saúde nian iha Sakato hodi garante kualidade atendimentu ba izolamentu refere.
Objetivu hosi konstrusaun refere hodi garante atendimentu saúde iha RAEOA tanba futuru ospitál Referál Oekusi sei sai alternativu ida hodi fó satisfasaun ba komunidade no sosiedade hotu.
Enkuantu konstrusaun refere konstroi hosi kompañia Tafen Kuan Unipessoal Lda, ho medida metru 25x10 kompleta ho sala atendimentu administrasaun no laboratórium no fasilidade sira seluk.
Alein hosi izolamentu, harii mós rezidénsia ba pesoál saúde, ho medida metru 11x7,5 no kompleta ho moru. Totál orsamentu ba projetu rua nee mak $154.551,69.
Fonte: ZEESM Timor-Leste