Dili, 14 Maiu 2021 – Pasiente Covid-19 na’in-5 iha izolamentu Vera-Krúz baixa ho kondisaun grave no obrigatoriamente tenke uza apoiu ekipamentu ventiladór, CPAP no oksijéniu.
“Iha loron 14 Maiu 2021, izolamentu Vera-Krúz halo tratamentu ba kazu detetadu na’in-26. Iha área obstetrisia na’in-10 no iha medisina interna na’in-16. […] Hosi sira na’in-16 iha medisina interna, na’in-5 grave (na’in-1 uza ventiladór, na’in-1 uza CPAP, na’in-3 uza oksijéniu), na’in-11 moderadu,” informa Sentru Integradu Jestaun Krize (SIJK) liuhosi komunikadu imprensa ne’ebé Timor News asesu ohin (14/5).
Enkuantu na’in-10 ne’ebé iha obstetrisia ne’e, SIJK relata katak sira tama kategoria moderadu hotu, sira-nia kondisaun estável.
Oras ne’e pasiente hamutuk na’in-1968 mak baixa hela iha Timor-Leste no kazu mate iha na’in-8 ona.
Fonte: Mídia Secretário de Estado Para a Comunicação Social (SECOMS)