Dili, 07 Juñu 2021 – Provedoria ba Direitu Umanu no Justisa (sigla portugés PDHJ) hato’o rekomendasaun ba Komandante Jerál Polísia Nasionál Timor-Leste (PNTL) atu implementa norma tuir despaixu ne’ebé iha hodi bandu ajente PNTL sira lori armas wainhira la hala’o servisu polísia nian.
“PDHJ rekomenda ba Komandante Jerál PNTL atu kumpre no implementa Normas ba uza armas iha PNTL hanesan despaixa nú. 290/CG-PNTL/IX/2016: Pontu b), proibidu ka labele lori ka utiliza armas wainhira la hala’o servisu polísia nian (folga, feriadu, lisensa saida de’it, tuir kursu, moras, partu etc),” PDHJ hato’o ida ne’e liuhosi komunikadu imprensa ne’ebé divulga ohin (07/6).
Esplika tán iha komunikadu imprensa ne’e katak ajente PNTL nia deskolasaun servisu bele utiliza armas wainhira iha orden servisu ne’ebé klaru hosi nia Komandante ho asuntu servisu polísia nian.
Fonte: Provedoria dos Direitos Humanos e Justiça (PDHJ)