Dili, 01 Marsu 2021 – Sekretáriu Estadu Juventude no Desportu (SEJD) Abrão Saldanha hasoru malu ho Embaixadór Japaun iha Timor-Leste KINEFUCHI Masami iha segunda (01/3) ne’e iha SEJD Lesidere, Dili, hodi diskute kona-ba Timor-Leste nia preparasaun no posibilidade atu partisipa iha jogu olímpiku no paralímpiku iha Tokyo, Japaun.
Hafoin enkontru, Abrão hateten, iha reuniaun ne’e Embaixadór Masami informa mós kona-ba situasaun Covid-19 iha Japaun liga ho jogu olímpiku no paralímpiku ne’ebé atu realiza iha Tokyo.
Abrão dehan katak nia sei lori asuntu ne’e ba iha Konsellu Ministru hodi diskute no deside hamutuk kona-ba Timor-Leste nia partisipasaun.
Enkuantu Embaixadór ne’e mós hato’o nia esperansa atu simu Timor-Leste nia partisipasaun iha jogu refere.
Fonte: Mídia Secretaria de Estado da Juventude e do Desporto (SEJD)