Dili, 20 Abril 2022 – Rezultadu provizóriu eleisaun prezidensiál 2022 segunda volta hosi munisípiu Aileu nian ne’ebé sistema STAE ilustra ofisialmente hatudu katak kandidatu Prezidente Repúblika ho númeru sorteiu 1, José Ramos-Horta, mak hetan votu maioria hamutuk 20.176 (72.74%), enkuantu kandidatu ho númeru sorteiu 2, Francisco Guterres Lú Olo, hetan votu 7.560 (27.26%).
Rezultadu refere mai hosi totál ata munisípiu Aileu nian hamutuk 73 ne’ebé STAE dizita hotu ona. Eleitór iha munisípiu refere ne’ebé partisipa iha eleisaun segunda volta hamutuk 28,006 ka 83.52% hosi totál eleitór rejistadu 33.531.
Feto nia partisipasaun iha eleisaun segunda volta ne’e iha Aileu hamutuk 13.161 (46.99%) no mane 14.845 (53.01%). Informasaun hirak ne’e mak provizoriamente STAE fó sai, maibé ata sira munisípiu Aileu nian apura hotu ona.
Fonte: STAE Timor-Leste