Baukau, 26 Novembru 2021 - Prezidente Parlamentu Nasionál (PPN), Aniceto Guterres Lopes, iha sexta-feira (26/11) ne’e, inaugura Eskola Ensinu Báziku Filiál (EBF) Darasula, Gariuai, munisípiu Baukau.
Iha serimónia ne'e PPN hateten katak, Programa Nasionál Dezenvolvimentu Suku (PNDS) nu'udar dalan ida atu halo dezenvolvimentu hosi área rurál hodi liga ba dezenvolvimentu urbanu.
Aléin hosi ne’e, xefe suku Gariuai, Arlindo Belo Freitas husu ba Governu atu aloka osan barak liután ba PNDS atu nune'e komunidade rasik mak jere sira-nia osan.
Eskola refere konstrui no reabilita hosi PNDS ne'ebé tutela ba Ministériu Administrasaun Estatál (MAE) ho totál montante $51.960,50 no implementa hosi ekipa tékniku PNDS no komunidade iha área refere, dezde 18 Dezembru 2020 to'o 18 Abríl 2021.
Enkuantu eskola refere ho medida metru 21×9, ho totál estudante na'in-191 inklui manorin na’in-6.
Fonte: Ministério da Educação, Juventude e do Desporto (MEJD)