Dili, 10 Juñu 2021 – Prezidente Repúblika (PR) Francisco Guterres Lú Olo apela ba sidadaun hotu hotu atu hadomi no respeita liután feto sira tanba sira mak ai-riin ba família no ba sosiedade.
“Ba jerasaun ohin loron nian, ha’u aproveita oportunidade ida ne’e hodi apela ba família no sosiedade tomak no ba entidade hotu-hotu atu hadomi no respeita liután ita-nia feto sira, tanba sira mak ai-riin metin ba família no ba sosiedade,” dehan PR Lú Olo iha nia diskursu wainhira lansa livru ‘Buibere Hamriik Ukun Rasik-An’ iha kinta (10/6) ne’e iha Palásiu Prezidensiál, Dili.
Nia mós husu ba Parlamentu Nasionál, Governu, Polísia Nasionál Timor-Leste, Prokuradoria-Jerál Repúblika no Tribunál atu hamutuk proteje vítima sira, inklui labarik feto sira, no hatuu justisa loloos ba sira ne’ebé komete krime.
Fonte: Mídia Presidente da Repúblika (PR)