Dili, 26 Jullu 2021 – Prezidente Repúblika (PR) Francisco Guterres Lú Olo husu Parlamentu Nasionál (PN) nia autorizasaun atu PR bele renova tán Estadu Emerjénsia (EE) ba dala-16 ba loron tolunulu tuir Governu nia proposta tanba haree ba evolusaun pandemia Covid-19 iha Timor-Leste.
Pedidu autorizasaun ne’e PR hato’o ba PN hafoin rona tiha hanoin hosi Konsellu Estadu no Konsellu Superiór Defeza no Seguransa, ohin (26/7), liuhosi reuniaun ne’ebé hala’o iha Palásiu Prezidensiál, Dili.
“Sira (Konsellu Superior Defeza no Seguransa no Konsellu Estadu) rekomenda ba PR kona-ba pedidu Governu nian atu hato’o ba Parlamentu Nasionál hodi diskute atu deside estende ou la estende Estadu Emerjénsia,” Xefe Casa Sivíl Francisco Maria de Vasconcelos hateten hafoin reuniaun remata.
Enkuantu estensaun EE ba dala-15 ne’ebé PR dekreta ba loron tolunulu (30) sei termina iha tuku 23:59 iha 31 Jullu 2021.
Fonte: Mídia Presidente da Repúblika (PR)