Dili, 10 Dezembru 2021 – Diresaun Nasionál Meteorolojia no Jeofízika (sigla portugés DNMG) bolu atensaun ba populasaun sira iha teritóriu Timor-Leste relasiona ho previzaun tempu ne’ebé nota katak bele akontese udan natoo to’o maka’as iha munisípiu hotu-hotu durante períodu loro-kraik preferensialmente iah tuku 13:00-18:00 oras Timor-Leste.
Informasaun ne’e DNMG hato’o liuhosi ninia boletim ofisiál ida ne’ebé divulga ohin (10/12) ho validade to’o aban. DNMG mós bolu atensaun espesiál liu ba munisípiu balu.
“ATENSAUN ESPECIAL: Likisá, Aileu. Baukau, Ermera, Bobonaru, Manatutu Sentrál. POTÉNSIA BA RISKU: Bee sa'e, Mota tún, Rai halai/monu, etc,” DNMG informa.
DNMG husu ba viajante sira ne'ebé desloka ba munisípiu sira hodi hala’o atividade ruma, tau atensaun ba eventuál ida ne'e, no kontinua hadook-an hosi fatin risku sira, hanesan ai-hún boot, liña eletrisidade no seluk tán hodi evita-an hosi dezastre sira.
Fonte: DNMG Timor-Leste