Dili, 19 Outubru 2021 – Prezidente Konsellu Kombatente Libertasaun Nasionál (KKLN) Vidal de Jesus ‘Riak Leman’ husu ba veteranu sira-nia oan atu labele kria problema maibé tenke koopera ho Estadu no autoridade lokál sira hodi asegura páz no estabilidade.
“Ha’u haree veteranu sira-nia oan seidauk estraga estabilidade iha ne’e. Komesa kedas hosi krize 2006 to’o agora ema ida seidauk iha hanoin ida atu kria instabilidade, moris hela iha situasaun hakmatek nia laran. Maibé aproveita mós tempu ida ne’e, fó hatene ba veteranu sira, veteranu sira-nia oan, tenke koopera ho Estadu, koopera ho autoridade lokál sira ne’e, no tenke asegura páz no estabilidade,” Riak Leman hato’o ba jornalista Timor news, ohin (19/10) iha nia knaar-fatin, edifísiu KKLN, Dili.
Nia akresenta katak páz no estabilidade ne’e importante tebes atu asegura nune’e dezenvolvimentu nasionál bele la’o ba oin.
Fonte: Timor News