Dili, 22 Outubru 2021 – Governu liuhosi ekipa liña ministeriál relata liuhosi komunikadu imprensa Ministériu Obras Públika nian katak, Governu sei fó indemnizasaun ba uma-kain afetadu hamutuk 170 resin hosi projetu reabilitasaun Aeroportu Internasionál Prezidente Nicolau Lobato (AIPNL).
Dadus ne’e ekipa traballu interministeriál atualiza iha reuniaun komisaun inter-ministeriál ba dezenvolvimentu AIPNL nian ne’ebé hala’o ohin (22/10) iha Ministériu Finansa, Dili, no partisipa mós hosi Ministru Obras Públika Salvadór dos Reis Pires, hodi ko’alia kona-ba akizasaun rai no propriedade komunidade nian relasiona ho projetu refere.
“Molok ne’e, abitante afetadu ba konstrusaun AIPNL diálogu ona ho Governu liuhosi ekipa liña ministeriál, tuir dadus ne’ebé iha Governu sei fó indemnizasaun ba komunidade hamutuk uma-kain 170 resin,” parte Obras Públika esplika iha komunikadu imprensa ne’ebé Timor News asesu.
Fonte: Mídia Ministério das Obras Públicas (MOP)