Dili, 30 Juñu 2021 – Reprezentante Santa Sé iha Timor-Leste Monseñor Marco Sprizzi ohin (30/6) transmite mensajen Santu Papa Francisco nian ba Prezidente Repúblika Francisco Guterres Lú Olo katak Santu Papa hateten Nia iha intensaun atu vizita Timor-Leste.
Marco Sprizzi hasoru malu ona ho Santu Papa iha Vatikanu iha 02 Juñu liubá, no simu konfirmasaun katak Santu Papa iha intensaun atu vizita Timor-Leste.
“Santu Padre ba dala tolu hateten mai ha’u, repetidu, ha’u sei ba, ha’u sei ba, ha’u sei ba Timor-Leste,” Reprezentante Santa Sé dehan ohin iha Palásiu Prezidensiál, Dili, hafoin hasoru tiha Prezidente Repúblika.
Enkuantu atu realiza vizita refere depende ba evolusaun pandemia Covid-19,tanba ne’e Santu Papa enkoraja ema hotu-hotu atu simu vasina hodi hetan protesaun.
Fonte: Mídia Presidente da Repúblika (PR)