Dili, 11 Outobru 2022- Sekretária Estadu Formasaun Profisionál no Empregu (SEFOPE), liuhosi Diresaun Nasionál Empregu Eksteriór (DNEE), ohin iha salaun DNEE Bekora, realiza serimónia despedida no asina deklarasaun ho família traballadór na’in rua-nulu-resin-tolu (23), ne’ebé atu ba servisu iha Australia liuhosi programa PALM (Pacific Australia Labour Mobility).

Iha serimónia ne’e, Diretór DNEE, Filomeno Soares, hateten aktak  serimónia asina deklarasaun ne’e hanesan konkordánsia ida hosi família traballadór katak sira ida-idak aseita atu husik ninia oan, fen ka la’en ba servisu iha Australia, no la’os Governu maka obriga. Nune’e karik iha futuru mosu problema ruma, parte rua iha hotu responsabilidade hodi rezolve.

Dirijente ne’e husu ba família traballadór sira atu labele halo problema hodi prejudika sira-nia servisu tanbá servisu ne’ebé sira hasoru iha ema-nia rai ne’e todan tebes, no mós karik traballadór sira haruka osan mai karik, tenke uza hó didi’ak, nune’e fila-mai sira bele loke negosiu kiik ruma hodi fó fila-fali servisu ba joven sira seluk.

Iha tempu hanesan Diretór DNEE mós apela ba traballadór na’in-23 ne’ebé hetan ona oportunidade ba servisu iha Australia atu hatudu komportamentu servisu ne’ebé di’ak, respeita lei Australia nian, labele halai sees hosi sistema tanbá ne’e sei taka dalan ba empregadór atu emp