Lautén, 25 Outubru 2021 – Sekretaria Estadu ba Juventude no Desportu (SEJD) realiza atividade Information and Communication Technology (ICT) Camp ba tinan 2021 iha munisípiu Lautén, no partisipa hosi joven hamutuk na’in-55 hosi munisípiu 12 no RAEOA.
Atividade refere hahú hala’o iha segunda (25/10) ne’e, no hetan abertura direita hosi líder máximu SEJD Abrão Saldanha, ho ninia objetivu mak atu kapasita foinsa’e sira sai kreativu no matenek utiliza teknolojia informasaun no komunikasaun.
“Ita-nia jerasaun ita tenke domina teknolojia para bele kompete ho nasaun seluk. […] Tanba ne’e husu foin sa’e sira aproveita ho didi’ak iha eventu ida ne’e hatudu kreatividade no koñesimentu,” Abrão dehan iha nia diskursu.
Programa ICT Camp ne’e kada tinan SEJD sempre realiza iha munisípiu ne’ebé depende ba parte SEJD hili, no iha tinan ida ne'e hala'o iha Lautén.
Fonte: Mídia Secretaria de Estado da Juventude e do Desporto (SEJD)