Dili, 13 Abríl 2021 – Sekretáriu Estadu ba Komunikasaun Sosiál (SEKOMS) Merício Juvinal dos Reis Akara apela ba mídia sira atu evita notísia ne’ebé provokativu ho tendénsia hodi halo propaganda tuir interese polítika grupu nian atu fahe ka sobu fali povu nia unidade.
Akara hateten, ohin loron Timor-Leste hasoru hela situasaun Covid-19 no dezastre naturál, tanba ne’e, mídia iha papél importante tebes atu kontribui ba ambiente hakmatek.
“Iha tempu agora mídia presiza kontribui ba situasaun hakmatek hodi promove dame iha ita-nia rain,” dehan Akara ohin (13/4) iha Palásiu Governu, Dili.
Nia akresenta, presiza promove Peace Journalism hodi harii unidade nasionál atu bele hamutuk luta kontra Covid-19 no hamutuk rekonstrui infraestrutura ne’ebé mak hetan estragus hosi inundasaun ne’ebé akontese foin lalais ne’e.
Fonte: Mídia Secretário de Estado Para a Comunicação Social (SECOMS)