Díli, 12 maiu 2021 – Ministru Administrasaun Estatal, Miguel de Carvalho, iha nia enkontru ho Prezidente Repúblika, Francisco Guterres Lú Olo, iha Palásiu Prezidensiál Nicolau Lobato, hateten katak Sekretáriu Tékniku Administrasaun Eleitórál (STAE) preparadu atu realiza eleisaun prezidensiál iha tinan oin maske iha situasaun Covid-19 nia laran.
To’o Marsu 2021, STAE rejista ona eleitór hamutuk 839.430, maioria iha rai-laran no iha rai-liur hamutuk 6.010. Hosi fulan Jullu 2021 to’o janeiru 2022 STAE sei hala’o resensiamentu no atualizasaun baze dadus eleitoral no antes eleisaun sei pubilka lista eletór sira iha sentru votasaun.
Miguel de Carvalho informa mós ba Prezidente Repúblika alterasaun ba dala-neen ba Lei Eleitoral Prezidente Repúblika.
“Alterasaun ba dala-neen Lei Eleitorál Prezidensiál atu permite populsaun sira, liuliu sira ne’ebé hela iha Díli, envez fila fali ba sira nia hela fatin, bele vota iha Díli, maibé tenke avizu antes ba STAE pelumenus loron-40, atu STAE bele publika lista dos eleitores iha sentru votasaun sira iha Timor laran tomak, inklui sira ne’eebé sei partisipa iha sentru votasoins paralelu sira.”
Fonte: Mídia Presidente da Repúblika (PR)