Ermera, 24 Setembru 2021 – Sekretáriu Estadu Ambiente (SEA) Demetrio de Carvalho hamutuk ho komunidade iha suku Baboe-Leste, postu-administrativu Atsabe, munisípiu Ermera, ohin (24/9) realiza rituál tara-bandu ho objetivu atu bandu komunidade sira sunu rai, oho balada fuik, tesi ai arbiru no seluk tán.
Iha fatin hanesan, Demetrio hateten, serimónia kulturál tara-bandu ne’e nu’udar renovasaun ba tara-bandu ne’ebé bei-ala sira halo tiha ona. Serimónia kulturál ida ne’e iha impaktu pozitivu ba komunidade sira liuliu fó valór kulturál ba ema atu respeita malu no ambiente.
Serimónia rituál tara-bandu ne’e marka mós prezensa hosi Diretór Nasionál Biodiversidsde Rui Pires, Representante Komandante Polísia Nasionál Timor-Leste (PNTL) Municipiu Ermera, autoridade lokál sira no mós komunidade.
Fonte: Secretaria Estado Ambiente (SEA)