Dili, 15 Jullu 2021 – Prezidente Repúblika Francisco Guterres Lú Olo informa katak tempu seidauk to’o atu nia bele hateten-sai ninia rekandidatura ba eleisaun prezidensiál iha tinan oin.
“Ida ne’e ha’u seidauk bele hateten agora. Ha’u seidauk hateten agora, kuandu to’o iha nia tempu ita-boot (jornalista) sira sei rona,” Prezidente Repúblika informa ohin (15/7) iha edifísiu Komisaun Nasionál Eleisaun, Dili, hafoin partisipa tiha iha serimónia aniversáriu dahitu Funsaun Públika nian, nu’udar resposta ba jornalista sira-nia pergunta katak públiku balu hakarak nia rekandidata-an.
Enkuantu to’o oras ne’e partidu Kmanek Haburas Unidade Nasionál Timoroan (KHUNTO) mak fó-sai uluk ona nia kandidata mak Armanda Berta ne’ebé agora daudauk asume hela kargu Vise Primeira-Ministra no Ministra Solidariedade Sosiál no Inkluzaun.
Fonte: Mídia Presidente da Repúblika (PR)