Dili, 10 Juñu 2021 – Ministra Saúde Odete Freitas Belo hateten katak to’o oras ne’e sidadaun iha Timor-Leste ne’ebé simu ona vasina AstraZeneca doze dahuluk mak hamutuk besik rihun sianulu (90.000).
“To’o agora totál serka de 90.000 sidadaun simu ona primeira doze vasina AstraZeneca. Númeru ne’e ita konsege atinje tanba grasa hosi doasaun Governu Austrália ne’ebé suporta ita [...] Doasaun vasina hosi COVAX facility haforsa di’ak liután apoiu sira seluk hosi Governu Austrália no Governu Xína,” dehan Ministra Saúde ohin (10/6), wainhira halo lansamentu ba imunizasaun vasina AstraZeneca kontra Covid-19 ba doze daruak nian, iha CCD, Kaikoli, Dili.
Governante ne’e esklarese mós katak, sidadaun ne’ebé simu ona vasina doze dahuluk maibé hetan moras Covid-19, bele simu doze daruak hodi asegura afetividade vasina no prevene kontájiu vírus.
Fonte: Mídia Palácio das Cinzas