Kovalima, 04 Setembru 2021 – Unidade Patrullamentu Fronteira (UPF) postu Foholulik, iha sábadu (04/9) ne’e, kaptura sidadaun ida ho naran inisiál SJ hosi aldeia Foholulik, suku Beiseuk, postu Administrativu Tilomar, munisípiu Kovalima, tanba lori kilat anin ida ho marka AESE 92, no ida ne’e konsidera kontra ona lei kona-ba arma branka.
“Iha oras tuku 5 loro-kraik ne’e ita segura sidadaun CJ no prende mós kilat anin lolon ida ho marka AESE 92 hamutuk ho nia na’in iha área postu-administrativu Tilomar, tanba sidadaun ne’e kontra ona lei númeru 5/2017 kona-ba arma branka nian,” Komandante UPF Euclides Belo informa iha sábadu ne’e via telefone.
Euclides hateten, nia membru sira halo ona identifikasaun no entrega ona sidadun ne’e hamutuk ho objetu ne’ebé UPF prende ba Komandu Polísia Nasionál Timor-Leste (PNTL) munisípiu Kovalima hodi halo prosesu investigasaun atu prosesa tuir lei.
Fonte: Mídia Serviço Relações Públicas de Ministério do Interior