Lautén, 05 Outubru 2021 – Ernesto Pinto nu’udar pasiente ida ho moras stroke ne’ebé halo nia durante fulan haat (4) ona toba de’it, maibé, ninia moras stroke ne’e hetan kura hafoin nia simu tiha vasina AstraZeneca doze dahuluk iha iha 13 Setembru 2021 liubá.
Iha tersa (05/10) ne’e Ernesto Pinto hetan vizita hosi Sekretáriu Estadu ba Komunikasaun Sosiál (SEKOMS) Merício dos Reis Akara, iha aldeia Aradarat, suku Iliomar 1, postu-administrativu Iliomar, munisípiu Lautén.
Iha vizita ne’e, SEKOMS rona direita informasaun hosi Doutór Leonel Norberto Sarmento Kapela, ne’ebé explika katak, “moras ne'ebé Ernesto Pinto, infrenta mak moras ‘stroke’ durante fulan haat no toba de’it, maibé hafoin simu vasina doze dahuluk iha loron 13 fulan Setembru tinan 2021, sona de’it iha kama leten no depois-de simu vasina hetan rezultadu di'ak nia mesak hadeer la'o mesak”.
Ernesto mós sei simu tán vasina doze daruak ne’ebé sei hala'o iha loron 08 fulan Novembru tinan 2021.
Hafoin vizita hotu, ekipa saúde sira hala'o kedas vasina ba komunidade sira iha suku Iliomar 1, aldeia Iradarat.
Fonte: Mídia Secretário de Estado Para a Comunicação Social (SECOMS)