Dili, 06 Jullu 2021 – Reitór Universidade Nasionál Timor Lorosa’e (UNTL) João Soares Martins hateten katak atu reativa aula prezensiál sei haree komunidade akadémika sira simu hotu lai vasina, no la’os ida ne’e de’it maibé sei hein mós despaxu hosi Governu liuliu hosi Ministériu Ensinu Superiór, Siénsia no Kultura (MESSK).
“Reativasaun aula (prezensiál) sei haree estudante, dosente, no funsionáriu sira vasina hotu lai, no mós despaxu hosi Ministériu Ensinu Superiór, Siénsia no Kultura (MESSK) atu reativa, tanba ita iha hela Serka Sanitária no Estadu Emerjénsia,” dehan Reitór João iha tersa (06/7) ne’e iha kampus UNTL Kaikoli, Dili.
Nia mós espera katak númeru vasinasaun sívita akadémika UNTL nian aumenta, nune’e mós dezeja atu Timor-Leste bele livre hosi pandemia Covid-19 ho nia variante seluk atu bele reativa aula prezensiál.
Fonte: Mídia Universidade Nacional Timor Lorosa'e (UNTL)