Manufahi, 23 Jullu 2021 – Governu liuhosi Ministru ba Asuntu Kombatente Libertasaun Nasionál (MAKLN) Julio Sarmento ‘Meta Malik’ hamutuk ho Prezidente Konsellu Kombatente Libertasaun Nasionál (KKLN) Riak Leman no Autoridade munisípiu Manufahi, ohin (23/7), halo inaugurasaun ba uma veteranu dedikasaun luta tinan 24 ne'ebé oferese ba saudozu Agostinho Sarmento ‘Mau Tino’ iha Same, Manufahi.
Uma ne’e nia prosesu konstrusaun finansia hosi Governu tuir planu polítika VIII Governu nian ne’ebé lidera hosi Eiz Xefe Estadu Maiór FALINTIL Taur Matan Ruak.
Objetivu hosi kontrusaun uma ba veteranu ho dedikasaun tinan 24 ne’e mak atu dignifika sira-nia luta ba independénsia nasionál, ne’ebé wainhira funu hotu iha 1999 fila mai vila-laran laiha kondisaun ba hela fatin.
Fonte: Mídia Gabinete do Primeiro-Ministro (GPM)