Dili, 20 Abril 2022 – Rezultadu provizóriu eleisaun prezidensiál 2022 segunda volta hosi munisípiu Vikeke nian ne’ebé sistema STAE ilustra ofisialmente hatudu katak kandidatu Prezidente Repúblika ho númeru sorteiu 2, Francisco Guterres Lú Olo, mak hetan votu maioria hamutuk 29.164 (68.24%), enkuantu kandidatu ho númeru sorteiu 1, José Ramos-Horta, hetan votu 13,572 (31.76%).
Rezultadu refere mai hosi totál ata munisípiu Vikeke nian hamutuk 92 ne’ebé STAE dizita hotu ona. Eleitór iha munisípiu refere ne’ebé partisipa iha eleisaun segunda volta hamutuk 43.158 ka 74.53% hosi totál eleitór rejistadu 57.909.
Feto nia partisipasaun iha eleisaun segunda volta ne’e iha Vikeke hamutuk 21.026 (48.72%) no mane 22.132 (51.28%). Informasaun hirak ne’e mak provizoriamente STAE fó sai, maibé ata sira apura hotu ona.
Fonte: STAE Timor-Leste