Índia, 27 Juñu 2021 – Ema na’in-2.000 resin iha Índia sai nu’udar vítima tanba simu tiha vasina kontra Covid-19 falsu.
Autoridade iha Mumbai, Índia, informa katak kuaze ema na’in-2000 iha Mumbai mak simu vasinasaun ho vasina falsu kontra Covid-19.
CNN kaktuir iha domingu (27/6) ne’e, “ema ho defisiénsia kuaze na’in-500 mak sai mós nu’udar vítima ba vasina falsu iha sidade Kalkutá, índia”.
Autoridade sira relata katak kaptura ona ema na’in-10 ne’ebé deskonfia envolve iha sirkulasaun vasina falsu ne’e, inklui doutór na’in-2 ne’ebé pratika iha ospitál privadu iha Mumbai.
Iha Índia agora aplika hela vasina kontra Covid-19 ne’ebé hetan ona lisensa hosi OMS mak hanesan Covishield, Covaxin no Sputnik V.
To’o oras ne’e kazu Covid-19 iha Índia millaun 30 resin ona, nune’e aas liu daruak iha mundu hafoin Estadus Unidus.
Fonte: CNN International