Dili, 06 Maiu 2021 – Akontese udan no kalohan nakukun ohin (06/5) iha postu-administrativu Laklubar, munisípiu Manatutu, nune’e impede elikópteru atu hatún apoiu umanitária faze daruak iha postu-administrativu refere.
Haree ba klima ne’ebé la permite, Pilotu Kapitaun Tony Browne ne’ebé lori elikópteru ne’e deside lori fila hikas sasán asisténsia faze daruak ne’e ba Aeroportu Internasionál Nicolau Lobato, Dili, hodi hatama fali ba armajén.
Tony Browne hateten, “sasán hirak ne’ebé mak atu transporta ba postu Laklubar sei adia fali ba loron aban (07/6) sé karik klima di’ak ona, tanba ohin loron iha Laklubar udan subiska no kalohan nakukun”.
Udan no kalohan nakukun ne’e la’os de’it iha Laklubar maibé akontese mós iha munisípiu Kovalima, nune’e difikulta servisu transportasaun apoiu umanitária ho elikópteru.
Fonte: Mídia Ministério da Justiça (MJ)