Dili, 18 Outubru 2021 – Prezidénsia Repúblika (PR) fó apoiu materiál konstrusaun no roupa ba família vítima hosi inséndiu ne’ebé akontese iha eiz merkadu Komoro, Dili, ne’ebé apoiu hirak ne’e entrega direita hosi Xefe Casa Civil Francisco Maria de Vasconcelos.
Parte PR nian relata katak, família hamutuk 217 mak simu apoiu hanesan: Semente saku 657, besi kotak hamutuk 1.752, baut kalen kaixa 438 no roupa sakola 219.
"Ajudus ida ne'e hanesan formas ida Prezidente Repúblika nia responsabilidade, prezidente nia domin ba ita-boot sira, maske la barak, maibé importante la'ós sasan ne'e, la'e. importante mak ita-nia relasaun, ita-nia domin no hanesan umanu, hanesan aman no oan sira," Xefe Casa Civil, hato'o ba vítima inséndiu, ohin (18/10), hafoin entrega tiha apoiu hirak ne’e.
Nia mós fó hanoin ba autoridade atu koordena ho Governu liuhosi diresaun Bombeiru hodi bele hala'o edukasaun sívika ida kona-ba oinsá atu hasoru inséndiu, tanba komunidade eiz merkadu Komoro afeita ona inséndiu ba dala rua.
Fonte: Mídia Presidente da Repúblika (PR)