Manufahi, 13 Dezembru 2021 – Sekretaria Estadu Joventude no Desportu (SEJD) servisu hamutuk ho Sentru Foinsa'e Dom Boaventura Maun-Fahe (Sigla Portugés CEFOBOM), ohin (13/12) iha salaun Eskola Sekundária Katólika Same, halo abertura ba formasaun ba foinsa'e eleitu suku na'in-58 hosi postu-administrativu 4, iha munisípiu Manufahi.
Diretór Nasionál SEJD Cesarino da Costa hatete, matéria importante iha formasaun refere mak kona-ba jestaun, planu, proposta, relatóriu, monitorizasaun, avaliasaun no SEJD mós iha programa boot 2 ba foinsa'e sira mak hanesan, desportu no programa hasa'e kreatividade foinsa'e sira nian, hodi buka solusaun ba sira-nia problema iha moris loro-loron nian.
Iha fatin hanesan jerente CEFOBOM Antoninho Doutel Sarmento husu foinsa'e eleitu suku sira atu aproveita oportunidade ne'e, tuir formasaun ho didi'ak nune'e ba futuru bele aplika no hatutan fali ba foinsa'e sira seluk.
Enkuantu formasaun refere kompostu hosi foinsa'e postu-administrativu 4 mak hanesan Same, Alas, Fatuberliu no Turiskai. No totál orsamentu ba programa refere $8.762,000.
Fonte: Diáriu "Roman ba Sosiedade" Manufahi