ABAN TRABALLADÓR TIMOROAN NA’IN-26 SEI ARANKA BA SERVISU IHA AUSTRÁLIA
Dili, 15 Fevereiru 2022 – Sekrataria Estadu ba Formasaun Profisionál no Empregu (SEFOPE) liuhosi Diresaun Nasionál Empregu Exteriór, iha segunda (14/2) ne’e, realiza ona serimónia despedida no asina deklarasaun ho traballadór timoroan na’in-26 sira-nia família tanba traballadór hirak ne’e sei aranka ba servisu iha Austrália aban (16/2).
Iha serimónia despedida ne’e, Diretór DNEE Filomeno Soares hateten katak Governu kria de’it kondisaun hodi mobiliza traballadór ba servisu iha rai-li’ur, maibé joven sira mak tenke aproveita, tanba ne’e presiza kuidadu saúde no hadook-an hosi krime.
Nia alerta mós ba traballadór sira atu ba servisu tenke hatudu prestasaun ho di’ak no labele sees hosi sistema, nune’e empregadór sira bele emprega tán timoroan barak iha futuru.
Traballadór na’in-26 ne’e kompostu hosi feto na’in-5 no mane na’in-21. Hosi totál refere, sira na’in-6 sei ba servisu iha kompañia Tou’s Garden, na’in-11 iha kompañia Burlington no na’in-9 iha kompañia ADCO.
Fonte: Secretário Estado para Formação Profisional e Emprego (SEFOPE)
