Dili, 04 Setembru 2023 (SRP) - Ekipa konjunta Makikit Dili, Araña Oeste, Leste hamutuk ho Servisu Nasionál Intelijensia (SNI) kaptura joven mane na'in tolu ho naran inisiál JV tinan 32, RB 22, no LMC 33 ne'ebé envolve iha kazu sobu loja hodi na'ok sasán iha loron 31 fulan Agostu kalan, iha área Aimutin, Dili. Suspeitu na'in tolu ne'e, ekipa kaptura uluk JV ho RB iha aldeia 04, suku Kaikoli ho evidénsia komprovativu balu ne'ebé sira na'ok, no LMC ekipa kaptura iha munísipiu Manufahi.
Suspeitu na'in tolu inklui ho vitima Yu Hongchun, hosi Xina, agora daudaun iha ona parte investigasaun Dom Aleixo Kumoro, hodi halo identifikasaun no submete ba prosesu investigasaun kriminál nian. Enkuantu sasan sira ne'ebé sira na'ok mak hanesan telefone, osan montante dolar atus-hitu (700.00), no pulsa ba telemóvel.
Fonte: Mídia Serviço Relações Públicas de Ministério do Interior